ESTATUTOS
DENOMINACIÓN, ÁMBITO E DOMICILIO
TÍTULO I
DA ASOCIACIÓN EN
XERAL
Art.-
1º.-
Constitúese no Concello de Barreiros, unha asociación que se
denominará: “CENTRO DE INSTRUCCIÓN Y RECREO DE BENQUERENCIA”, e
que se rexerá pola vixente Lei Orgánica 1/2002. de 22 de
marzo. reguladora do Dereito de Asociación e demais
lexislación existente en materia de Asociacións que lle sexa
aplicable, dentro do marco da Constitución e do resto do
ordenamento xurídico.
Art.-
2º.-
Son fins da
Asociación:
a)
Estudio e resolución dos problemas
comúns dos asociados, relacionados co medio, tanto local, como
rural e a vida social do territorio que asignan os Estatutos.
b)
A realización e promoción de
actividades culturais e recreativas, nas súas diferentes
formas e manifestacións.
c)
Cantas outras actividades lícitas
sexan da conveniencia dos intereses comúns dos asociados e
vecindario.
d)
A Asociación non ten fins
lucrativos nin está sometida a ningún réxime asociativo
específico.
Art.-3º.-
O domicilio da Asociación radicará en: Ba. Do Canteiro, s/n na
parroquia de San Pedro de Benquerencia no Concello de Barreiros
Provincia de Lugo.
Art.-4º.-
A Asociación desenvolverá as súas actividades dentro do ámbito
nacional, sendo a súa duración indefinida e solo disolverase,
conforme a estes Estatutos, pola vontade dos asociados expresada
en Asemblea Xeral convocada ó efecto e por calquera das causas
previstas nas leis así como por sentencia xudicial firme.
Art.-5.-
A Xunta Directiva, como órgano de representación da asociación,
será competente para interpreta-los preceptos contidos nos
Estatutos, someténdose en todo momento á normativa legal vixente
en materia de Asociacións.
Os presentes Estatutos serán desenvolvidos e cumpridos mediante
acordo que validamente adopten a Xunta Directiva e a Asamblea
Xeral, dentro das súas respectivas competencias.
TÍTULO
II
DOS ÓRGANOS
DIRECTIVOS E DA FORMA DE ADMINISTRACIÓN
Art.-6º.-
A Dirección e Administración da Asociación serán
exercidas polo Presidente, a Xunta Directiva e a Asemblea Xeral.
Art.-7º.-
O Presidente
da Asociación, que o será tamén da Xunta Directiva, asume a
representación legal da mesma e executará os acordos adoptados
pola Xunta Directiva e Asamblea Xeral, presidindo as sesións que
celebre unha e outra.
Art.-8º.-
A Xunta Directiva é o órgano de representación que
xestiona e representa os intereses da Asociación, de
acordo coas disposicións e directivas da Asamblea Xeral.
Estará formada por un Presidente, un Vicepresidente, un
Secretario, un Vicesecretario, un Tesoureiro e dous Vocais.
Solo poderán formar parte da Xunta Directiva aquelas
persoas que ostenten a condición de asociados, que
sexan maiores de idade, teñan pleno uso dos dereitos
civis e non estean incursos nos motivos de
incompatibilidades establecidos na lexislación vixente.
Art.-9º.-
Os cargos que compoñen a Xunta Directiva elixiranse pola
Asemblea Xeral, entre tódalas candidaturas que se presenten,
resultando elexida de entre todas elas aquela que obteña máis
votos, tras un previo proceso no que se fará a presentación de
cada unha delas e
do seu programa de
goberno pola persoa que as encabece. En todo caso nas
candidaturas presentadas á Xunta Directiva deberán estar
perfectamente determinados e distribuídos os distintos cargos da
mesma entre os seus integrantes.
Os cargos da Xunta Directiva, durarán un periodo de 4
anos, aínda que poderán ser obxeto de reelección, renovándose
por metade cada dous anos. Na primeira quenda serán renovados o
Vicepresidente, o Vicesecretario e un Vocal; e na segunda quenda,
ós dous anos seguintes, o Presidente, o Secretario, o Tesoureiro
e outro vocal. O primeiro mandato dos cargos da segunda quenda
de renovación durará un ano máis.
Art.10º.-
Os membros da
Xunta Directiva NON percivirán retribución polo cargo
desempeñado, sendo a súa contía determinada en todo caso pola
Asemblea Xeral.
Art.11º.-
É función da Xunta Directiva, programar e dirixi-las actividades
sociais e leva-la xestión administrativa e económica da
Asociación, someter á aprobación da Asemblea Xeral o presuposto
anual de gastos e ingresos, así como o estado de contas do ano
anterior.
Art.12º.-
A Xunta Directiva celebrará as súas sesións cantas veces o
determine o Presidente, a iniciativa propia ou a petición de
polo menos tres dos seus compoñentes. Será presidida polo
Presidente e, na súa ausencia, polo Vicepresidente, e a falta de
ámbolos dous, polo membro da Xunta Directiva que teña máis idade.
Para que os acordos da Xunta Directiva sexan válidos, deberán
ser adoptados por maioría de votos dos asistentes, sendo precisa
a concorrencia, polo menos da metade máis un dos seus membros,
incluídos o Presidente e o Secretario ou quen estatutariamente
os sustitúan. Das sesións o Secretario, ou no seu defecto, o
Vicesecretario, levantarán acta, que se transcribirá ó libro de
Actas.
Art.13º.-
Os membros da Xunta Directiva presidirán as Comisións que a
propia Xunta acorde constituír, co fin de delegar nelas a
preparación de determinados actos ou actividades, ou de demandar
das mesmas as informacións necesarias. Formarán parte, ademais,
das ditas Comisións o número de Vocais que acorde a Xunta
Directiva, a proposta dos seus respectivos Presidentes.
Art.14º.-
O Presidente da Xunta Directiva terá, ademais das facultades
asignadas no Art.7º, as seguintes atribucións:
a)
Convocar e levanta-las sesións que
celebre a Xunta Directiva e a Asemblea Xeral, dirixi-las
deliberacións de unha e outra, decidindo con voto de calidade no
caso de empate.
b)
Propoñe-lo plano de activdades da
Asociación á Xunta Directiva, impulsando e dirixindo as súas
tarefas.
c)
Ordena-los pagamentos acordados
validamente.
d)
O Presidente estará asistido nas súas
funcións polo Vicepresidente, que ademais o sustituirá nos casos
de vacante, ausencia ou enfermidade.
Art.15º.-
O Secretario recibirá e tramitará as solicitudes de ingreso,
levará o ficheiro e o Libro de Rexistro de Socios e terá ó seu
cargo a dirección dos traballos administrativos da entidade.
Auxiliarao nas súas funcións e substituirao nas súas ausencias o
Vicesecretario.
Art.16º.-
O Tesoureiro recadará e custodiará os fondos pertencentes á
Asociación e dará cumprimento ás ordes de pagamento que expida o
Presidente. Así mesmo, formalizará o presuposto anual de
ingresos e gastos, así como o estado de contas do ano anterior,
que deben ser presentadas á Xunta Directiva, para que esta
a súa vez, os someta á aprobación da Asemblea Xeral.
Art.17º.-
Cada un dos compoñentes da Xunta Directiva, terá os deberes
propios do seu cargo, así como os que nazan das delegacións ou
comisións que a propia Xunta lles encomende.
Incunbirá de maneira concreta ó Secretario, no seu caso, ó
Vicepresidente, velar polo cumprimento das disposicións legais
vixentes en materia de Asociacións, custodiando a documentación
oficial da entidade e facendo que cursen á Delegación Provincial
da Consellería de Xustiza, Interior e Relacións Laborais as
comunicacións sobre designación da Xunta Directiva, celebraciáon
de Asembleas Xerais, formalización do estado de contas e
aprobación dos presupostos anuais.
Art.18º.-
A Asemblea Xeral
é o
organo supremo de goberno da Asociación, integrada polos
asociados, que adopta os seus acordos polo principio maioritario
ou de democracia interna, e que reunirase sempre que o acorde a
Xunta Directiva, por propia iniciativa ou polo que acorde a
décima parte dos seus asociados.
Obrigatoriamente a
Asemblea Xeral deberá ser convocada en sesión
ordinaria, polo menos unha vez ó ano, para aproba-lo Plano
Xeral de actuación da Asociación, censura-la xestión da Xunta
Directiva, aprobar, no seu caso, os presupostos anuais de
ingresos e gastos, así como o estado de contas correspondentes ó
ano anterior e cantas outras se sometan á votación no capítulo
de rogos e preguntas.
Art.19º.-
A Asemblea Xeral convocarase pola Xunta Directiva,
con cararter extraordinario, cando o esixan as disposicións
vixentes, o acorden os membros da Xunta Directiva ou o solicite
un número de asociados non inferior ó 10 por 100, e en todo o
caso para a
modificación dos Estatutos, así como para elexi-los
membros da Xunta Directiva, disposición ou alleamento de
bens, determinación das retribucións dos membros da Xunta
Directiva, disolución da Asociación, expulsión de
asociados a proposta da Xunta Directiva, aprobación do
regulamento de réxime interno da asociación e a
solicitude da Declaración de Utilidade Pública. Tamén é da
súa competencia a Constitución de Federacións, Confederacións
ou Unións ou a súa integración nelas.
Art.20º.-
As convocatorias
das Asembleas Xerais, tanto Ordinarias como Extraordinarias,
serán feitas por escrito, expresando o lugar, data e hora da
reunión, así como a orde do día. Entre a primeira convocatoaria
e o día da reunión deberá mediar polo menos quince días naturais;
a segunda convocatoria realizarase media hora máis tarde da
primeira.
Así mesmo incluirase na orde do día das convocatorias aqueles
asuntos propostos por un número de asociados non inferior o 10
por 100, que as presentarán perante o Secretario da Xunta
Directiva cunha antelación mínima de sete días á celebración das
sesións das Asembleas Xerais.
Art.21º.-
A convocatoria da Asemblea Xeral extraordinaria de modificación
dos Estatutos da Asociación estará acompañada do texto coas
modificacións propostas, abrindose un prazo de sete días para
que calqueira asociado poida dirixir ó Secretario as propostas e
enmendas que estime oportunas. Estas complementarán a
documentación da citada Asemblea e serán entregadas cunha
antelación mínima de tres días á realización da mesma.
Art.-22º.-
As Asembleas Xerais Ordinarias ou Extraordinarias, quedarán
validamente
constituídas en primeira convocatoria, cando concorran a
elas, presentes ou representados, a metade máis un dos
asociados, e en segunda convocatoria cando asistan a décima
parte dos mesmos.
Art.23º.-
Os acordos da
Asemblea Xeral adoptaranse por maioría simple das
persoas presentes ou representadas, cando os votos afirmativos
superen ós negativos. Non obstante, requerirán maioría
cualificada das dúas terceiras partes das persoas presentes
ou representadas, os acordos relativos á disolución da
asociación, modificación dos Estatutos,
disposición ou alleamento de bens e remuneración os
membros do órgano de representación.
Art.24º.-
A Xunta Directiva resérvase o dereito de decisión, sobre
situacións non contempladas nestes Estatutos, sempre que non
sexan incompatibles coas xa existentes e non estean en
contradición coa Lei vixente reguladora do dereito de asociación
e demais disposicións regulamentarias que a deselvolvan.
Art.-25º.-
Os acordos que vaian contra estes Estatutos ou infrinxan os fins
da Asociación poderán ser recorridos en reposición, quedará
expedita a vía para recorrer perante a xurisdicción ordinaria.
Art.-26º.-
A Asociación disporá dunha relación actualizada dos seus
asociados, levará unha contabilidade que reflicta a
imaxe fiel do patrimonio, do resultado e da situación
financieira da entidade, así como as actividades realizadas,
efectuará un inventario dos seus bens e recollerá nun
libro de Actas as reunións da Asemblea Xeral e da Xunta
Directiva.
TÍTULO
III
DOS ASOCIADOS,
DEREITOS E OBRIGAS
Art.27º.-
Poderán ser membros da asociación, libre e voluntariamente, as
persoas físicas, que dalgunha maneira teñan interese en servi-los
fins da mesma e sexan admitidos pola Xunta Directiva, a cal
poderá outorga-lo nomeamento de membro honorario ou de número ás
persoas que estime oportuno, a título meramente honorifico, sen
que iso leve consigo a condición xurídica de asociado. Será
condición imprescindible e indispensable para ser membro da
Asociación, ser natural de SAN PEDRO DE BENQUERENCIA,
descendente dun socio, ou que acredite un primeiro grao de
parentesco con algún dos supostos antes citados, non sendo
condición obrigatoria residir en Benquerencia.
As persoas físicas deberán ter capacidade de obrar e non estarán
suxeitas a ningunha condición legal para o exercicio do dereito.
Os menores non emancipados de máis de catorce anos necesitarán o
consentemento, documentalmente acreditado, das persoas que deban
supli-la súa capacidade.
Art.-28º.-
Aquelas persoas que desexen pertecer á Asociación, solicitarano
por escrito o Presidente, o cal dará conta á Xunta Directiva,
que resolverá sobre a admisión ou inadmisión do asociado con
recurso perante a Asemblea Xeral.
Art.-29º.-
Os asociados poderán solicita-la sua baixa na Asociación
voluntariamente, en calqueira tempo, pero isto non lles eximirá
de satisface-las obrigas que teñan pendentes con ela.
A Xunta Directiva poderá separar ou expulsar da Asociación a
aqueles asociados que os fagan indignos de seguir pertecendo á
mesma, así como adoptar calquera outra medida disciplinaria
contra aqueles. A
separación ou expulsión, así como calquera outra medida
disciplinaria adoptada, será precedida de expediente no
que deberá ser oido o interesado, o cal será informado
dos feitos que dean lugar a tales medidas, debendo ser
comunicado o acordo que, no seu caso, impoña sanción.
Este acordo en todo caso deberá ser ratificado pola Asemblea
Xeral e contra a súa resolución poderase recorrer perante a
xurisdición ordinaria.
Art.-30º.-
Os asociados terán os seguintes dereitos:
a)
Participar nas actividades que promova
a Asociación e nos actos sociais que organice para tódolos
asociados.
b)
Gozar de tódalas vantaxes e beneficios
que a Asociación poda ter.
c)
Asistir e exercita-lo dereito de voz e
voto nas Asembleas Xerais.
d)
Ser nomeado membro da Xunta Directiva,
na forma que prevén os Estatutos.
e)
Posuír exemplar destes Estatutos e ter
coñecemento dos acordos adoptados polos órganos directivos.
f)
Ser informado sobre a composición da
Xunta Directiva da asociación.
g)
Que se lle poña de manifesto o estado
de contas e ingresos e gastos da Asociación tódolos anos, así
como o desenvolvemento da súa actividade.
h)
A impugna-los acordos dos órganos da
asociación que estime contrarios á lei e ós Estatutos.
Art..-31º.-
Os asociados poderán ser sancionados pola Xunta Directiva por
infrinxi-los presentes Estatutos, ou os acordos da Asemblea
Xeral ou a propia Xunta Directiva. As sancións poden comprender
dende a suspensión dos seus dereitos durante un mes, ata a
separación definitiva da Asociación, nos mesmos termos que
prevén o artigo 29º
Art..-32º.-
Serán obrigas de todo-los asociados:
a)
Comparti-las finalidades da Asociación
e colaborar para a consecución das mesmas.
b)
Observar unha boa conducta individual
e cívica.
c)
Acata-los presentes Estatutos e os
acordos validamente adoptados pola Asemblea Xeral.
d)
Aboa-las cotas periódicas, derramas e
outras contribucións que acorde a Asemblea Xeral.
e)
Desempeñar fielmente as obrigas
inherentes ó cargo que desempeñen.
f)
Cumpri-lo resto de obrigas que
resulten destes Estatutos.
TÍTULO
IV
DO RÉXIME
ECONÓMICO E DA DISOLUCIÓN DA ASOCIACIÓN
Art.-33º.-
O presuposto anual da Asociación é indeterminado ou no seu caso
será o que se determine a principios de cada ano pola Asemblea
Xeral, e ten o seguinte patrimonio, todo el na parroquia
de San Pedro de Benquerencia, termo municipal de Barreiros
(Lugo):
ü
Edificio colonial de duas plantas,
pista de baile, servicios, pozo, e palco de música, todo elo
cerrado por muro de pedra, no lugar denominado O Canteiro.
ü
Terreos anexos o descrito
anteriormente, pola parte norte do edificio, separados por
camiño público, pechado no seu perimetro con muro de bloque, e
con pista de deportes no seu interior, pendente de rematar.
ü
Edificacións no lugar de Agolada,
composta por nave en ladrillo e techume de uralita, servicios, e
dous locais anexos de usos varios, xunto con os terreos onde se
asentan.
ü
Enseres propios dos bens antes
relacionados.
Art.-34º.-
A data de peche do exercicio económico da asociación será
a de 31 de decembro de cada anualidade e as contas da
asociación serán aprobadas anualmente pola Asemblea Xeral,
polo que deberán ser postas previamente a disposición dos
asociados durante un prazo non inferior a 15 días ó sinalado
para a celebración da referida Asemblea Xeral.
Art.-35º.-
Os recursos económicos previstos para o desenvolvemento das
actividades sociais serán os seguintes:
a)
As cotas periódicas que acorde a
Asemblea Xeral.
b)
As cotas extraordinarias que propoña a
Xunta Directiva e sexan aprobadas pola Asemblea Xeral.
c)
Os productos dos bens e dereitos que
lle correspondan, así como as subvencións, legados, doazóns que
poda recibir en forma legal.
d)
Os ingresos que obteña a
Asociación mediante o exercicio de actividades económicas
licitas que acorde realiza-la Xunta Directiva, incluidas as
prestacións de servicios, deberán destinarse exclusivamente ó
cumprimento dos seus fins estatutarios.
Art.-36º.-
A administración dos fondos da Asociación, levarase a cabo,
sometida á correspondente información e intervención e coa
publicidade suficiente, a fin de que tódolos asociadoss podan
ter coñecemento periodicamente do destino dos fondos, sen
prexuizo do dereito consignado a este respecto no apartado g) do
art.30 destes Estatutos.
Art.-37º.-
No caso de disolverse a Asociación, a Asemblea Xeral que acorde
a disolución, nomeará unha Comisión Liquidadora, composta
por cinco membros, a cal farase cargo dos fondos que existan,
para que, unha vez satisfeitas as obrigas, o remanente, se o
houbera, sexa entregado a calqueira entidade legalmente
constituida, con domicilio nesta provincia, que se dedique a
iguais, ou no seu defecto análogos fins, que esta
asociación, ou unha entidade benéfica.
Así mesmo, no caso de insolvencia da asociación, a Xunta
Directiva, ou, se é o caso, os liquidadores nomeados pola
Asemblea Xeral, promoverán de inmediato o oportuno procedemento
concursar perante o xuiz competente.
En proba de conformidade co presente proxecto de Estatutos,
asinan tódolos membros constituintes da asociación que se
propón.
DILIXENCIA:
Para facer constar que os presentes estatutos foron modificados
para adaptalos ás previsións da Lei Orgánica
1/2002. de 22 de marzo, por acordo da Asemblea Xeral
Extraordinaria celebrada ó efecto, na data 28 de marzo de 2004
Visto Bo e Prace
O PRESIDENTE:
A SECRETARIA:
Asdo.: José Otero Méndez.
Asdo.:Juasta Barbeito Pacios
REGULAMENTO DO SOCIO DE
NUMERO
1.- DO SOCIO DE
NUMERO
1.1.- DEFINICION
Entenderase por SOCIO DE NUMERO, aquela persoa, maior de idade,
sen distinción outra algunha, que a modo de colaboración, e de
forma voluntaria, se compromete a pagar as mesmas cuotas que o
socio fundador e de dereito da sociedade, (excepto as de
caracter extraordinario), non tendo
en ningún caso dereito algún a voto nas asambleas ou
reunións calquera que sexan, nin ás propiedades do Centro de
Instrucción e Recreo de Benquerencia, nin a formar parte de
directiva algunha, tendo que ser aceptado éste pola Directiva do
Centro, quen terá potestade para admitilo ou cesalo se o
considera oportuno.
1.2.- OBRIGACIONS:
1.2.1.- De pagar puntualmente as mesmas cuotas que o
socio de dereito (exceptuando as de carácter extraordinario),
perdendo a condición de socio de número no momento do impago
dalgunha delas, previa comunicación por escrito da súa baixa por
parte da directiva.
1.2.2.- De cuidar e facer bó
uso das instalacións e propiedades do C. I. R.
1.2.3.- De colaborar no bo comportamento, civismo,
etc. en todos e cada un dos actos os que acuda, non promovendo
xamais, comportamentos indebidos, altercados ou alteracións do
normal e cívico comportamento das persoas presentes en calquera
reunión, asamblea ou actividade desenvolvida pola sociedade ou
nas instalacións da mesma.
1.2.4.- De cumprir e acatar os estatutos da
sociedade, acordos ou decisións da Directiva ou Xunta Xeral, e
calquera outra norma que a sociedade a través dos seus órganos
acorde, e en particular o presente regulamento.
1.3.- DEREITOS
1.3.1.- Dereito a participar en tódolos actos ou
actividades que formalmente sexan organizados pola sociedade,
excepto, na celebración do DIA DO SOCIO, por ser esta unha
actividade dirixida ós socios fundadores e de dereito, a non ser
nos casos nos que a Directiva, por consideralo oportuno,
expresamente, poida autorizar en función dos méritos, actuacións,
donacións, comportamentos, etc. que algún socio de número tivera
para coa sociedade.
1.3.2.- Dereito a opinar e ser oído nas reunións,
asambleas, e demais xuntanzas dos órganos da sociedade, ó igual
que calquera outro socio desta, se ben, non terá dereito a voto.
1.3.3.- Dereito a promover actos ou actividades a
desenvolver pola sociedade, sempre e cando estas estean
autorizadas e informadas pola Directiva do Centro, quen poderá se
o considera axeitado, non permitilas ou limitalas no que considere
oportuno.
1.3.4.- Calquera outro dereito concreto e individual
que a Directiva ou Xunta Xeral lle poida conceder por consideralo
oportuno.
1.3.5.- Dereito a ser informado dos estatutos da
sociedade, regulamento do socio de número, modificacións, acordos
ou atividades que o Centro desenvolva.
1.4
COMPETENCIAS
1.4.1.- Será competencia da Xunta Directiva, a toma de
decisións sobre calquera dúbida, problema, discrepancia ou asunto
que non estea contemplado neste regulamento do socio de número.
1.4.2.- Será competencia da Xunta Directiva aceptar un
alta, ou dar baixa a calquera socio de número que pretenda selo,
ou xa o sexa.
1.4.3.- Calquera decisión acadada pola Xunta Directiva,
referida a este regulamento é ás suas competencias, poderá ser
anulada ou modificada pola Xunta Xeral de Socios, se esta o acorda
en Xunta Xeral ordinaria ou non, e sempre según das normas que
regulan a validez dos acordos dese organo.
1.4.4.- A Xunta Directiva, previa autorización da
Xunta Xeral de Socios, ou , a propia Xunta Xeral de Socios, poderá,
en calquera momento, se así o considera oportuno, facer
desaparecer este tipo de Socios de Número,
comunicando a baixa definitiva a cada un dos socios de
número, sendo esta decisión inapelable, e non podendo ningún socio
reclamar dereito algún á sociedade.
1.4.5.- O pagamento do primeiro recibo de Socio de
Número, significa a aceptación integra dos estatutos xerais da
sociedade, e en particular do presente regulamento, recoñecendo
publicamente o acatamento do mesmo, así como o coñecemento integro
da normas que regulan o funcionamento do Centro de Instrucción e
Recreo de Benquerencia, polo que se somete integramente ás mesmas.
DOSIER ADAPTACIÓN ESTATUTOS LEI 01/2002 DE 22 DE MARZO
|